Vrial Video: सोशल मीडियावर रोज लाखो व्हिडिओ आपल्या पाहायला मिळतात. प्रत्येक क्षणाला काहीतरी व्हायरल होत असते. काही व्हिडिओ पाहताना आपल्याला आश्चर्य वाटते, तर काही पाहून हसून हसून पोट दुखायला लागते. शिवाय, जुगाड, स्टंट आणि भांडणांचेही व्हिडिओ सोशल मीडियावर खूप शेअर केले जातात. आजकाल लोकांना रिल्स बनवण्याची इतकी आवड लागली आहे की, अनेकदा हे लोक असे स्टंट करतात ज्यामुळे त्यांचा जीवही धोक्यात येतो.
स्टंट करताना लोक कधी कधी हे विसरतात की, अवघ्या ३० सेकंदांच्या व्हिडिओसाठी त्यांचा जीव धोक्यात जाऊ शकतो. नुकताच असाच एक व्हिडिओ समोर आला आहे, जिथे एका तरुणाने स्टंटसाठी आपली कार रेल्वे रूळांवर चालवली आहे. स्टंट करत असतानाच त्याचा तोल गेला, आणि घडलेले दृश्य पाहून अंगावर काटा आल्याशिवाय राहत नाही. सध्या हा व्हिडिओ सोशल मीडियावर जोरदार व्हायरल होत आहे. असा प्रकार पाहून मनात एकच प्रश्न येतो – आपला जीव इतका स्वस्त झाला आहे का?
व्हिडिओत नेमके काय?
व्हायरल झालेल्या व्हिडिओमध्ये रेल्वे रूळाजवळ गर्दी झालेली दिसत आहे. अनेक नागरिक त्या ठिकाणी जमलेले आहेत. रेल्वे रूळावर एक थार कार अडकलेली असून, चालक ती बाहेर काढण्याचा प्रयत्न करत आहे. तिथे पोलिस कर्मचारीही दिसत आहेत. एका बाजूला ट्रेन थांबलेली आहे. काही वेळाने चालक थार कार बाहेर काढून तिथून निघून जातो, आणि नागरिक तसेच पोलिस बघतच राहतात.
या व्हिडिओबाबत नेटिझन्सकडून अनेक प्रतिक्रिया व्यक्त केल्या जात आहेत. व्हिडिओच्या कॅप्शननुसार, हा व्हिडिओ जयपूरमधील आहे आणि सोशल मीडिया प्लॅटफॉर्म ‘एक्स’वर शेअर करण्यात आला आहे. यावर विविध प्रकारच्या प्रतिक्रिया आल्या आहेत. एका युजरने आश्चर्य व्यक्त करत लिहिले की, “अरे बापरे, हे काय चालले आहे?” तर दुसऱ्याने टिप्पणी केली की, “पोलिस फक्त बघत आहेत.” आणखी एका युजरने मत नोंदवले की, “त्याच्या थारचे तुकडे झाले पाहिजेत.” या प्रकारे विविध प्रतिक्रिया या व्हिडिओवर मिळाल्या आहेत.
