सोशल मीडियावर रोज काहीतरी व्हायरल होत असते. कधी काही व्हिडिओ पाहून आपण थक्क होतो, तर कधी काही व्हिडिओ पाहून हसू येते.
दिल्ली मेट्रोशी संबंधित अनेक व्हिडिओ तुम्ही सोशल मीडियावर पाहिले असतील. दिल्ली मेट्रो नेहमीच चर्चेत असते.
सध्या असाच एक दिल्ली मेट्रोचा व्हिडिओ सोशल मीडियावर जोरदार व्हायरल होत आहे, जो लोकांचे लक्ष वेधून घेत आहे.
दिल्ली मेट्रोमध्ये नेहमीच काही ना काही वेगळं घडत असतं, ज्यामुळे ती चर्चेत राहते. कधी भांडणांचे व्हिडिओ तर कधी मेट्रोमध्ये कोणी डान्स करतानाचे व्हिडिओ सोशल मीडियावर व्हायरल होतात. काही वेळा लोक मेट्रोमध्ये पत्ते खेळतानाही दिसतात.
सध्या अशाच प्रकारचा आणखी एक व्हिडिओ व्हायरल झाला आहे. या व्हिडिओमध्ये काही लोकांनी एका तरुणाला मारहाण केल्याचे दिसत आहे. मात्र, या भांडणामागचे नेमके कारण अद्याप समजू शकलेले नाही.
व्हायरल होत असलेल्या व्हिडिओमध्ये मेट्रोमध्ये जास्त गर्दी आहे. त्याचवेळी निळा शर्ट घालणारा एक माणूस एका तरुणाला मारत आहे. तो त्या तरुणाच्या पाठीत धक्का देऊन त्याला खाली पाडतो. त्यानंतर तो त्याच्यावर उडी मारतो. आणखी एक तरुण त्या व्यक्तीला लाथ मारतो. काही लोक तिथे बसले आहेत, पण त्यांना भांडण थांबवण्याची इच्छा नाही. एक व्यक्ती मात्र या घटनेचा व्हिडिओ रेकॉर्ड करत आहे, परंतु भांडण थांबवण्याचा प्रयत्न तोही करत नाही.
व्हिडिओ पाहण्यासाठी येथे क्लिक करा
नेटकऱ्यांच्या प्रतिक्रीया
सोशल मीडिया प्लॅटफॉर्म एक्सवर @gharkekalesh नावाच्या अकाऊंटवर एक व्हिडिओ शेअर करण्यात आला आहे, जो सध्या खूप व्हायरल झाला आहे. हा व्हिडिओ आतापर्यंत लाखो लोकांनी पाहिला असून त्यावर अनेक प्रतिक्रिया दिल्या आहेत.
एक युजर म्हणतो, “हे तर नेहमीच घडत असते.” दुसऱ्या एका युजरने लिहिले, “अशा लोकांना मेट्रोत चढूच दिले जाऊ नये.”
तिसऱ्या एका व्यक्तीने शंका व्यक्त केली की, “त्या व्यक्तीचा जीव गेला असेल का?” तर चौथ्या युजरने मत दिले, “व्हिडिओ बनवणाऱ्याने आधी भांडण थांबवायला पाहिजे होते. असं वागणं चुकीचं आहे.”
अशा विविध प्रतिक्रिया लोकांनी या व्हिडिओवर दिल्या आहेत.
